Dende o equipo da Biblioteca e coa participación dos Departamentos de Lingua Galega e Literatura, Bioloxía, CCSS e Electrónica, presentamos estes podcasts para lembrar a forza e o valor da auga que nos proporcionan os ríos e mananciais esparexidos por todo o territorio da Galiza. Son parte fundamental do noso ecosistema e son un valor a preservar para que sigan alimentándonos de vida e significado.
Con este fin e tamén para homenaxear a figura do intelectual galeguista Francisco Fernández del Riego, a quen se lle dedica o Día das Letras Galegas deste ano 2023, recollemos fragmentos do seu libro de viaxes titulado Galicia. Recollemos anacos que falan do percorrido e da existencia dos ríos galegos
que, sinuosamente, mergullan ao lector e ao camiñante na transparencia das súas augas. O percorrido vén marcado, segundo os nosos podcasts, polo azar, polo azar dun xogo de dados que nos encamiñan ao fragmento e ao río ao que nos imos aproximar. Queriamos facer, a modo de xogo, un roteiro por Galicia a través da auga dos ríos que a conforman e puxemos voz a anacos destes relatos de Del Riego.
Relación do alumnado participante:
- Clara González Pardo (1º ESO B)
- Aroa Abal Caneda (1º ESO B)
- Alicia Costa Trigo (1º ESO A)
Relación do profesorado participante:
- Alberto Nogueira Varela
- Rocío Fondevila Crespo
- Aurora Souto Marcos
Ningún comentario:
Publicar un comentario