PROXECTO RÍOS 22/23: OS RÍOS COMO INSPIRACIÓN LITERARIA

No terceiro trimestre propuxemos nas aulas de Lingua Galega, como parte avaliable e puntuable, a elaboración de creacións propias partindo de manifestacións literarias e/ou lingüísticas que forman parte da nosa tradición cultural. Propúxose que, nalgúns casos, tivesen como elemento a destacar a existencia e relevancia dos ríos galegos.

Velaquí algúnha destas aportacións do alumnado:

• Sara Domínguez Fernández -1º ESO C

• Manuel Fernández Fernández -1º ESO C 

Os Ríos

Os ríos, fontes de vida,

moita auga nos dan.

Os ríos, fontes de vida,

grandes fronteiras fan.

Os ríos, fontes de vida,

en moitos deportes importantes están.

Os ríos, fontes de vida,

parte da nosa vida son.

• Lucas Lores Paz -1º ESO C

• Yoel Torrado Piñeiro -1º ESO C 

Os Ríos

En Galicia hai moitos ríos

que se enredan coma fíos.

Hai tanta auga

que nas presas sempre hai fugas.

Os ríos son fermosos

e algúns tamén perigosos.

Alí báñanse moitos,

altos ou baixos ou enxoitos.

• Ramiro Lorenzo Domínguez -1º ESO C

O meu río

O meu río é grande,

o meu río é azul e caudaloso.

Se non o coñeces,

ven comigo que cho amoso.

O río é o Miño,

un dos mellores,

onde hai

moitos nadadores

que sucaron mares maiores.