Dentro do proxecto Ríos o departamento de Educación Física levou a cabo unha actividade de orientación no medio natural, concretamente na desembocadura do Río Umia nas proximidades do IES Francisco Asorey, con alumnado de 3º ESO.
A actividade en cuestión foi unha tarefa de orientación que consistía en interpretar unha serie de balizas que contiñan información en forma de coordenadas que ao ser descifradas permitirían atopar a baliza que a seguinte. Para levar a cabo a decodificación o alumnado utilizou aparatos móbiles, os que a través da aplicación “googlemaps” puideron avanzar na procura de balizas para realizar o percorrido.
A actividade tivo lugar nas inmediacións do río Umia e o alumnado accedeu ó lugar a través de estradas secundarias que baixan pola ladeira do Monte do Rey. Unha vez nas proximidades do Umia tentouse complicar a búsqueda, para o cal as seguintes balizas farían ó alumnado adentrase cara as zonas de cultivo próximas ó río para rematar de novo ó lado do centro de ensino.
Para evitar o descontrol e desorientación dos participantes, varios profesores/as situáronse en balizas concretas, para comprobar que o alumnado seguía o percorrido prestablecido e ó rematar foron recolléndose os materiais utilizados na actividade para que non quedara ningún residuo no medio natural.
Ningún comentario:
Publicar un comentario